Сынамалар Т. Қасымов атындағы мұнай айдау станциясының санитарлық-қорғау аймағынан тыс жерде, кәріз сорғы станциясының жанында, «Квадрат» буландыру алаңының маңында және «Нұрсая» шағын ауданында алынды.
Зертхана күкіртсутегі, көміртегі оксиді, азот оксиді, күкірт диоксиді және метанның құрамын тексерді. Сынама алынған кезде ауа температурасы 25 градус болды, солтүстік және солтүстік-шығыс желі 5 м/с жылдамдықпен соқты, ылғалдылық 54% құрады.
Күкіртсутегінің шекті рұқсат етілген концентрациясынан он есе артық мөлшері тек «Квадрат» буландыру алаңының маңында анықталды. Басқа нүктелерде бұзушылықтар анықталмады.
Тексеру материалдары Атырау облысы санитарлық-эпидемиологиялық бақылау департаментіне нормативтерді бұзушыларға қатысты шаралар қабылдау үшін жіберіледі.
Тексеру 8 шілде кешке әлеуметтік желілерде пайда болған тұрғындардың жағымсыз иіс туралы шағымдарынан кейін басталды.