Тимур Сүлейменов Парламент палаталарының бірлескен отырысының кулуарларында мәлімдеме жасады. Оның айтуынша, қазіргі формат халықаралық стандарттарға сәйкес келеді және пайдалануға ыңғайлы. Өлшемді одан әрі кішірейту жоспарланбаған.
Банкноттардың кішіреюі баспа кезінде қағазды үнемді жұмсауға мүмкіндік берді. Бұрын бір парақтан шартты түрде бес купюра алынса, енді парақ ауданының 90 пайызына дейін пайдаланылады. Ұлттық банк басшысы үнемдеудің нақты көлемін атаған жоқ, өйткені бұл ақпарат жабық.
Бұған дейін Ұлттық банк «Сак стилі» сериясындағы 500 теңге номиналды жаңа банкнотты ұсынған болатын. Ол 2025 жылғы 25 желтоқсанда айналымға енді.